Aron Brun

Aron Brun

* 07.03.2002
† 03.05.2021 in Hüntwangen
Erstellt von Kristina Brun
Angelegt am 10.05.2021
13.261 Besuche

Neueste Einträge (59)

Gedenkkerze

WIEDER DIS MAMI

Entzündet am 04.10.2022 um 20:33 Uhr

Schatz... s'Läbe isch so rational... ich bin so rational... de Tod, din Tod isch so irrational... ich kriäge das nöd i min Chopf ine... ich weiss, de Tod g'hört zum Läbe wie jedi Geburt... aber ich bechume das bi diär eifach nöd uf d'Reihe, das z'akzpetiere... ich han no alli G'fühl so präsent vo dinere Geburt, vo dinere Chindheit, vo dinere Jugend... de Tod passt da nöd ine... no so vill hättisch du chöne erläbe, au wänn mer sich i dim Alter hüt muän fröge, was hät das Läbe no für eui so parat... villicht häsch es besser als dini Fründinne und Fründe da une... trotzdem... egal wie das Läbe grad stattfindet und wird si, ich chan's nüme mit dir teile... ich vermisse dich sooooo! Ja, alli säged, ich bin starch und wänn es öppers schafft, dänn ich, aber i mim tüüfschte Innere g'seht niämerd... die tüscht-truurige G'fühl will ich auch niemerdem aatuee... Schatz, ich läbe wieter für dini G'schwüscherti... ich glaube, es gaht ihne guät, ich weiss aber au, sie vermissed ihre grosse Brüäder! Warum, Aron, warum hät es so wiet muässe choo???? Ich laa dich jetzt, ich weiss, ich kriäege kei Antworte... ich fühle mich dir immer verbunde... ich weiss, dur jedi Wulche, wo da obe a miär verbii lauft, lächlichsch du abe und jede Stern, wo am Himmel erlüchtetet isch es Zeiche a mich... ich liäbe dich und versuäche starch z'sii...  DIS DICH UNÄNDLICH VERMISSENDE MAMI....!!!!

Gedenkkerze

VERMISSE DICH

Entzündet am 03.10.2022 um 18:42 Uhr

Min Aronbueb... ja, es isch grad so schwer, dich nöd z'vermisse... weiss nöd wieso, es überrollt mich grad wieder mit sonere Wucht... chan's nöd ufhebe, chan mich fascht nöd ablänke, versuäche starch z'si, aber es gaht nöd... ich wünschti miär mängisch so en Chnopf, wo das eifach abstellt die Sehnsucht, dich läbendig vor miär z'ha, dich vor allem ganz, ganz, ganz, ganz fescht z'hebe und z'umarme... dich z'schmöcke, dis Lache z'empfange, mit diär z'rede... stattdesse g'seh ich überall uf die schöne Fotene, die schöne Erinnerige mit diär und es isch eifach alles nume zweidimensional... ich streichle über d'Fotene und hoffe, dass es bi dir a obe aachunnt... wänn ich dir da schriebe, dänn fühle ich e Verbindig, e Leitig zu dir da obe, wo mini Gedanke aachömed... ich weiss, du willsch nöd, dass ich truurig bin, ich weiss, du häsch das alles au nöd so wölle... ich fröge mich mängisch, ob, wänn Corona nie g'si wär, alles andersch usescho wär... ich weiss, es git kei Antworte, will ich kei Frage me stelle chan. Mach's guät da obe... ich vermisse und liäbe dich unändlich! DIS MAMI

Gedenkkerze

DIS MAMI

Entzündet am 28.09.2022 um 17:30 Uhr

Schatz, ich weiss, du dänksch hüt a mich und ich au ganz fescht a dich!!! Nöd nur hüt, IMMER… Bin grad wahnsinnig truurig, dass du nöd bi miär bisch und ich dich g‘spüre dörf. Au wänn s‘Läbe wietergaht, du fehlsch miär sooooooooooooooooooooooooooooooooooooooooooooooo! Ich liäbe dich unändlich, nimm dich und s‘Dich-Vermisse a jede Ort mit, wo ich hiigaa… i mim Härz isch immer no en Drittel für dich reserviert und am Schlaa…. Es isch eifach soooo truurig, dass du nüme da bisch, dass miär s‘Läbe nüme chönd teile mitenand… mach‘s guät da obe, wo immer mee liäbi Mänsche zu dir stossed, mit dene du es sicher uh guät häsch. Dis dich unändlich vermissende Mami ❤️❤️❤️

Gedenkkerze

MISS YOU

Entzündet am 26.08.2022 um 19:43 Uhr

I jedere Minute, wo ich nöd abg‘länkt bin, vermisse ich dich, vermisse ich dich, vermisse ich dich, vermisse ich dich, vermisse ich dich, vermisse ich dich, vermisse ich dich, vermiiiiiiiiiissssssseeeeeee iiiiiiccccccchhhhhhh dddddiiiiiiiicccccchhhhhhhhhhhhh!!!

Gedenkkerze

TVOJA MAMA

Entzündet am 16.08.2022 um 17:58 Uhr

Min allerliäbschte Schatz! Ich han dir jetzt scho zwei Mal versuächt uf kroatisch z'schriebe, aber wahrschinlich dörf mer da kei fremdsprachigi Text hinderlaa, will es isch nöd publiziert worde, oder du häsch mitem Deda im Himmel no vill z'wenig g'üäbt... :o). Miär sind grad zrugg us dim 2. Heimatland, genau a dem Ort simmer g'si, wo du vom Sprungturm is Meer mit all dine Supersprüng ganz Zadar beiidruckt häsch... ich weiss no ganz genau, wo de ganzi Strand immer no mee hät wölle g'seh... es hät dir so g'falle... han dänkt, dass ich dich überall mitnimm, wo ich anegaa. Das isch au so, aber trotzdem han ich dich sooooo fescht vermisst, als wärsch du halt glich mee da, wo dini Äsche begrabe isch... ich hoffe, es isch nöd zu dunkel g'si a dim Grab und ich hoffe, dass du nöd bös bisch, dass es kei Blueme gee hät... geschter, nachdem miär heicho sind, hät mich d'Truurigkeit so übermannt a dim Grab, wie scho lang nüme, ich glaube, ganz Hüntwange hät mich g'hört brüelle... ich bin jetzt wieder da und du bisch nöd ellai... ich vermisse dich eifach immer no sooooo fescht, es tuet so weh, all dini Fründe z'sgeh, wo ihri Lehre abg'schlosse händ, am Studiere sind, ihri Fründinne/Fründe hät, ihres Läbe g'nüssed, ihre Weg gönd, ufem Sprungbrätt dini Liedeschaft usüebet... und und und... ich fröge mich mängisch, wo du hüt würsch staa, wänn du no würsch läbe und dänke ich eifach, dass du jetzt sicher din Friede häsch... ich beniede dich mängisch um das! In allerliäbschter, unändlicher, unbeschrieblicher, inniger Liäbi!.... Tvoja Mama...

Weitere laden...